آه و النيعمه بجد..الحمد لله

اه والله دا بجد
وكتاب الله المجيد بجد
آه ... دبله
ودبلة حبيبى
يعنى مش مجرد دبله عشان ترضينى وبس
دى دبلة هانى ...هانى حبيبى
"ربنا يخليك ليا ويحفظك ويرجعك ليا بالسلامه يا اجمل شئ حصللى من مليون سنه"

الف حمد وشكر ليك يا رب

اللهم لك الحمدوالشكر كما ينبغى لجلال وجهك وعظيم سلطانك

"أنا محتاج أصلى و أشكر ربنا"
"ياأجمل شئ حصللى من مليون سنه"

"أنا حبيتك لما لقيتك قدام عينى حلم بعيد"
"كان فى عنيا صعب عليا بعد شويه بقى فى الإيد"

ربنا يخليك ليا يا فرح عمرى كله
و يقدرنى أسعدك دايما

فضفضات عابره

منتظره وجودك اوى

عشان احبك اوى

...الأمل

عندما نتألم بقوه
نغمض أعيننا بقوه
"وندعو الله"

فتظهر فجأه اكثر الاشياء بهجة

فنفتح أعيننا بحذر مشككين

وعندها


تتمكن السعاده من قلوبنا بقوه أيضا

:)

...فشكرا لك

هل لى أن أعتقد

غريب انت تبعث بداخلى شعور
بالراحه.. بالامان ..بالسعاده ..بالحيويه
ولكن .......... لا اعتقد انه بالحب
!!!
وكأنك هالة روحانيه يحيط بى أينما ذهبت لتحمينى من كل شرور الدنيا
فبوجودك تصير الألوان أوضح
الاصوات أنقى و الدنيا أبهى

وجودك يثير جنونى
و تأبى عينى النوم

ولكن..تبقى الحياه أفضل

فيالغرابتك..فأنا أهوى ذلك الشعور الذى تبعثه بداخلى

فشكرا لوجودك و شكرا لك

وارجو ألا تغضبك
:)

الاكتمال

معظم الاشياء والاشخاص فى العالم ينقصها اكثر من شيئين لاكتمال !!!

الكمال لله وحده سبحانه وتعالى

كل سنه وانا طيبه

كل سنه وانا طيبه
وطيبه اوى كمان
اه يا مدونتى.. بقى عندى 27 سنه
ششششششششششششششششششت مش تقولى لحد
اصل فيه ناس شريره وبتقعد تقول كلام شرير مش عايزه اسمعه
و انا مبسوطه اوى ومش عايزه اى شريرين فى عيد ميلادى
اه ودا بالذات .. هتوقليلى ليه واشمعنى؟؟
اقولك انا
لانى بجد كبرت كتير اوى اوى اوى
ودا مفرحنى جدا بجد
وربنا يديم عليا دا
مبسوطه اوى يا مدونتى بجد
اصله حصل حاجات كتيره اوى فى السنه دى علمتنى كتير اوى
فبجد بحمد ربنا كتييييييييييييييير
انا بجد فرحانه اوى ونفسى انه كل اللى هيبقوا فى حياتى بعد اللحظه دى يكونوا ناس من الى بيحبونى بجد لشخصى وبس



فى يوم عيد ميلادى حبيت اقول
كل سنه وكل حد بيحبنى "بجد" طيب اوى

وكل سنه وانا راضيه اوى
واقرب لربنا اوى
وكل سنه وانا بتعلم اكتر من كل حد عرفنى ولو حاجه صغنونه اوى فى حياتى

وبجد شكرا لكل حد عرفته ولو ليوم واحد فى عمرى سواء عن طريقك يا مدونتى او من اى مكان تانى



""""كان نفسى احط صوره مع البوست دا و اللى فات بس انتى زعلانه منى ومش راضيه وكان نفسى تصالحينى النهارده بس ولا يهمك حصل خير """"
"""دا انتى برضو مدونتى واستحملتينى كتير """



"""شكرا ليكى ولكل حد افتكرنى بالخير او حتى بغيره """

تألم!! فطلعت الصوره حلوه

فى ذكرى حبيبى الفنان الجميل الراحل
"احمد ذكى"


"اهواك وانت كنت "صاحب معالى "او حتى "بوابا
"اهواك وانت كنت "رئيسا "او حتى "راعيا
"اهواك وانت كنت "رجلا مهما"او حتى "طبالا
"اهواك وانت كنت "باشا "او حتى "سواقا
"اهواك وانت كنت "بطلا"او حتى "كاذبا
"اهواك وانت كنت "امبراطورا" او حتى "هاربا
"اهواك وان عشت معك فى "ارض الخوف " او حتى كنت "بريئا
"اهواك وتمنيت لو تدعونى ل "موعد على العشاء " "فوق هضبه الهرم
"اهواك حتى اون كنت تلعب "ضد الحكومه" "بالبيضه والحجر
"اهواك حتى وان كان مبدؤك فى "درب هوايا ""امراه واحده لا تكفى
"اهواك ب "هيستريا" حتى اصبحت "عيونى لا تنام
"اهواك "مدمنا "او "فى التخشيبه"او حتى "طائرا على الطريق



"اهواك ولكنك"""رجلى الاول"""و لست "الثالث

أنا كويسه والله

انا كويسه .. والله العظيم كويسه
اقسم بالله كويسه
اقولها ازاى يعنى .. اغنيها مثلا ؟؟

ناس كتير مش بتصدقنى لما اقول انى كويسه
هو أنا لازم أبقى منهاره او عندى حالة يأس أو بعيط ليل ونهار

لأ انا الحمد لله كويسه..ربنا أنعم عليا بتجربه الورم الحميد دى عشان أعرف انى كويسه اوى اوى اوى وعشان اتاكد انى ماليش غيره

لانى فى الفتره الاخيره قبل مرضى دا ماكنتش بعمل واجباتى الدينيه صح كنت تايهه اوى
بس الحمد لله ربنا قاللى بطريقته انه لسه عايزنى
اختارنى انا من بين عباد كتير اوى يمكن يكونوا حتى افضل منى كتير بس هو بفضله ورحمته الواسعه اوى اختارنى انا عشان يسمع تانى صوتى وندايا
وقاللى لسه قدامك الفرصه ترجعى تانى وافضل مما كنتى كمان
حسيت انه ربى بيقولى انا هنا و بمدلك ايدى هتسيبينى وتلتفتى لعبادى تانى ولا هتفضلى هنا وفاكرانى وبتعملى اللى عليكى صح

ربنا لما جابنا الدنيا دى جابنا عشان حاجتين :عمبلنا وعبادته
والحمد لله الاتنين دول بفضل الله دلوقتى بعملهم بالطريقه اللى ترضينى واعتقد انها بترضى ربنا
يبقى ليه ما ابقاش كويسه؟


:)


فالحمد لله جدا جدا

وشكرا لكل حد كان بيسأل بجد وباهتمام عشان يطمن
وبرضو شكرا لكل حد كان بيسأل لمجرد السؤال

:)

انا بجد الف حمد وشكر لربنا
كويسه اووووووووووى

محاولات لكى أكون أنا

اشتاق لفنجالا من القهوه باللبن
من يوم توفت جدتى"رحمها الله" لم احتسى فنجالا من القهوه باللبن كما ينبغى ان يكون

* * * * *

اسمع الأن عيناك ليال صيفيه


* * * * *


أأكل قطعا صغيره من البسبوسه



* * * * *



فى فمى اربع غرزات من السلك الطبى بعد اجراء جراحه لاستئصال روم حميد بفكى العلوى



* * * * *


كشف لى هذا الاخير بدوره كثيرا من نفسيات ممن هم حولى



* * * * *



اتمتع بظره اعمق لكل ما يدور حولى




* * * * *



أشتاق اليك بجنون يجتاح اى فكره اخرى تمر بخاطرى



* * * * *



سعيده جدا لان كل عام مر من عمرى تعلمت به اكثر بكثير مما كنت متخيله انى ساتعلمه واعتقد ان هذا هبه من الله سبحانه وتعالى احمده عليها وأشكر فضله كثيرا



* * * * *



أشعر يمزيج من المشاعر ولكن المفسره جيدا جدا


"وكأنه حقا بعد الضباب الكثيف تتضح الرؤيه جدا"



* * * * *


أخيرا لا يسعنى سوى شكر الله سبحانه وتعالى لانى استوضحت كثيرا من الأمور التى كان ينبغى على فهمها ولكنى كنت مغمضه الحواس فأزال الله عنى هذا الستار ببعض لحظات من الألم"


* * * * *


"اللهم لك الحمد والشكر كما ينبغى لجلال وجهك وعظيم سلطانك"






تحديث : انا الحمد لله فكيت السلك
وبخير جدا جدا جدا
الف حمد وشكر لربنا